我睇返先发觉原来连续四五章都系讲紧同一晚嘅野,个进度慢到俾人打,有时真系要RECAP返打到边,如果唔系成个星期先UPDATE会唔知自己想讲咩。不过认真讲,由呢章开始打嘅野系坚琐碎同走甜,食好重味嘅朋友仔可以当上一章已经完咗
第十五章
故事讲到:知道ALVIN老婆又有咗小朋友,虽然自己真系锺意佢,不过又点会真系想破坏人地一家人嘅幸福,尤其是阿允都系我学生,又点可以令到佢唔开心呢?所以决定咗要离开ALVIN,放弃呢段唔知算唔算系爱情嘅关系。而喺离开佢之前,希望可以留返个美好嘅回忆俾自己,酒Jing嘅驱使之下,同佢过咗个又激又WARM嘅晚上,最後同佢一齐训咗喺佢同佢老婆张床、醉咗喺佢令佢老婆受Jing嘅地方。
呢日过咗之後又回复返我忙到仆街嘅生活,做野方面因为电视台之前FOLLOW开嘅节目终於播出,所以有好多跟进嘅工作要做,另外亦都开始咗个新PROJECT,要开始做一啲前期工作。大学亦都升FINAL YEAR,知道过埋个暑假就会开始忙,好彩我有个好秘书好ROOMMATE帮咗我好多,如果唔系要转HALL要搬我都唔知一个人可以点做咁多野。就因为咁忙所以我都唔系好多时间去覆同听电话,自从同佢扑咗第一次之後呢五日都无咩点同佢讲过野,只系早晨、你好、食饭未、系味好忙咁上下,有几次佢打黎我都MISS咗但又无咩动力去打返俾佢。以为只要我唔搵佢又咁忙就可以将件事丢淡,唔想自己成个脑都再围住佢。
讲开个节目都有两个男神好靓仔(我觉得),之前拍果阵都有交换电话,不过私底下又真系无咩点联络,因为其中一个好似已经有女朋友,另外一个就真系太男神级所以都无咩点埋身,加上我果时INTERN系後期先加入,所以同大家本身都唔算好熟。不过因为个节目出街所以个 GROUP 又热闹返。唔知边个讲开话想学打拳,跟住又有人叫佢问下我咁,其实我本身都无睇到佢地讲咩,直到有一日男神打俾我问我系咪有相熟嘅拳馆我先知原来佢地讲紧学拳。咁我介绍咗基本资料俾佢之後就无再理到佢,因为年中都好多人叫我介绍,不过初学真系唔系个个都顶到,同埋男神本身自己都大只靓仔做开GYM都唔使跟我做运动。不过有日佢突然问咗我一句:
神:『点解果时你地搵靓仔拍野你自己唔拍?
我:『又唔使兜个圈黎踩我唔够你地靓仔嘅
神:『但你好COOL喎好似唔系点出声
我:『咁毒捻多数都系摺埋架嘛
神:『哈哈,下次饮野叫埋你啦,识多啲朋友开心啲架
喺我投入紧我工作同搬HALL同HEA紧男神嘅时候我系完全唔记得应承咗有日本呢件事,真心系不得了激到ALVIN死咗因为仲有几日就出发而我仲同紧男神吹水。俾人摌到上天花板都应该嘅,喺ALVIN好担心我会唔会无买旅游保又唔知我会唔会请唔切假嘅时候,我偷偷地自己订咗酒店,计划咗自己嘅行程,因为我知道我唔系佢地一家人,我要有自己嘅生活,我要开始忘记佢
【过两日就出发,记得朝早九点机呀?
【YES SIR,知道啦,之前读书都系自己一个啦,又唔系第一次出国
【你知你条友唔提你就漏呢样漏果样
【我帮你带多咗个转插同两条USB呀,仲有你系唔系自己有ICOCA?唔系我要问人借埋俾你
【转插我自己有个啦,真系唔使照顾我
【知你大个仔啦,咁话你知我地去边都得挂,阿允佢两个去六日就会走,之後我再留多三日,到时佢去边我就陪你去,我知你之前已经去过大阪,不过你当就下我当同阿允玩下罗,总之你买野嘅都入晒我数啦,你只喼塞得入几多就买几多啦=】
如果有个人咁对自己真系应该系要冧,又如果佢无老婆无个仔我一早就已经死咗喺佢手上,可惜大家真系唔啱TIMMING,而我亦都做咗样好HURT佢嘅事,我有谂过会因为呢件事佢好嬲我,以後都唔会再理我,或者个结局系咁嘅对大家都好。
我SEND咗之前私自BOOK酒店嘅FIRMATIOLE俾佢睇,知道佢一定会因为我唔肯同阿允住而发癫,更加过份嘅系我将寸啲酒店BOOK晒喺名古屋、金泽、高山同富山,其实我咁做真心系会激嬲佢,呢一刻谂返我都唔知点解当初要咁做,只系想照自己谂法,好好咁任性一次。
【你咁系咩意思?你唔想同我去旅行就唔好应承我
【我会同你同机出发,之後你有你地一家人开心玩,我有我一个人自己游荡
【即系点,我以为我地嘅关系会更进一步,而唔系好似而家咁你几日都唔搵我,一搵就好似同我断绝关系
【之前唔系已经讲好咗会分开玩咩?我真系面对唔到你一家人
【咁都唔使去到咁远,咁都可以覆下我
【都系日本,一程新干线就到
【你覆我可唔可以唔好覆一半,点解咁冷淡