面。
「砰—」锐利嘅声音击破全场。
「哗?」「Wooo—」我哋呢边随住打出场外嘅垒球，爆出热烈嘅欢呼声。全垒打，代表我哋追返三个Run。
喺垒上面嘅球员跑过嚟本垒，场边嘅队友同埋观众都行前同佢high five。我哋呢边嘅球员都明显地和顔悦色咗好多，连脚步都轻浮咗。喺我哋嘅一片欢呼声之中，追反平手。
另个嘅两个打击手都想帮我哋反超前，但明显对手防守都加强咗。喺平手嘅情况下，我哋又要加多一圈。
对面Hall今次都更加进取，多咗好多偷垒。喺two down嘅情况，我哋同佢哋喺三垒嘅跑垒员都激烈咁对峙。讲真，无一支team train咁耐喺嚟顺粹参与，而且今次仲要距离咁接近。
Thomas换出去投球，睇得出打足三个钟佢已经好攰，连脚步都更加乏力。
第一球，坏球。入夜之後嘅疲劳加上吹起嘅海风，令球有啲更难预测。Thomas调整咗一吓姿势，投出第二球。坏球。第三球飞过，好球。我原来担心嘅心情都放轻咗少少，但我望到Thomas都仲系皱住眉头。第四球，坏球。
全场都望住Thomas。其实正常地去到咁後，开始失准都正常。而我哋呢边嘅投手实在太少，令到Thomas投咗其他我哋队其他投手嘅两三倍。我哋呢边嘅观众开始露出少少失望嘅情绪。
「唉，攰啦佢。」「俾我都攰啦，投咁多次」「唉mola mola」
「顶你啦，有啲信心得唔得啫。」Benjie打断佢哋嘅对话。
第五球抛出，好球。
第六球，一系就三振，一系就自动上垒。两好三坏，真系五十五十。
绿色嘅球飞过。球证举高手。
坏球。
对方嘅球员施施然咁跑返本垒，接受堂友嘅欢呼。
「唔紧要，仲有！」「喂，唔好放弃啊」
Thomas将头盔掉落地下，双眼紧闭。佢嘅队友拉返佢去场边，
「无事喎，仲有?嘛」「得啦，仲有得追嘅。」
8号波衫嘅freshman仔仔首先拎起球棒。两球飞过，第三球打中，上垒成功。之後嘅11号同3号都被对方foul走。12号再次上场，大家又再次将希望压喺佢身上，结局四球坏球，自动上垒。已经two down 嘅我哋非常危险，只求追返和。22号为我哋再上一垒，8号都急速咁上到三垒，急於求成嘅佢，已经准备好，擘大脚再落下一垒。
下一个落场嘅Thomas，我哋已经系呢圈嘅第六个batter。
坏球。坏球。坏球。
第四球抛出，Thomas一挥打出。
8号仔仔已经大脚一跨，准备跑到本垒。但呢个时候，但波传到去佢身边，然後击中佢。
「咇—」
Three down.
对面胜出。
我哋嘅球员沮丧咁集埋一堆，望住对面Hall嘅庆祝声。
怪异嘅声音喺佢哋嗰面发出，系佢哋引以为傲嘅war cry。
Thomas同佢哋队友好颓咁坐低。嚟观赛嘅观众都唔知点样安慰佢哋，咁俾咗两句，
「打得好好?啦」，「搏尽就得啦」，「无嘢喎」
对於佢哋嚟讲，真系无嘢，因为我哋本身都唔会赢。
但我知Thomas喺佢以前个Hall系赢开，今年第一round就foul走，一定好唔开心。
我企埋後面望住人群聚散，其实谂紧应唔应该行近Thomas。但我又系佢边个？
Benjie就一早已经行埋去，同佢企埋一边倾计。其他球员执嘢嘅执嘢，讲嘢嘅讲嘢。而我望企埋一边，望住啲人行嚟行去。
直到啲人走得七七八八，Behomas讲紧嘢。佢啲队友去咗更衣室，而我就仍然企喺角落头，唔知做咩。对面hall兴奋嘅声音仍然可以听到，但我呢一刻其实并无好大反应，因为我都无谂过，原来我哋有胜算。
Behomas讲多两句之後，Thomas就去返搵佢哋队友，而Benjie就行过嚟。
「无嘢啊嘛佢」
「俾少少时间佢应该无嘢嘅?」
「佢好唔开心？」我问完都觉得自己嘅问题有啲废。
「咁输咗场波，都正常嘅?无办法啦，我哋Hall，想赢都好难。」
有时候我都想可以好似Benjie咁。我系一个天生唔识安慰人嘅人，所以就算遇到呢啲情况，我都唔知讲咩好。如果我识得安慰Thomas，或者，我同佢之间就可能有多啲唔同嘅嘢。
我同Benjie搭的士出坚地食嘢，留低Thomas俾佢队友。
Thomas:
Hey, thanks f today Now
“Np