「我当初就系以为入呢间Hall有得玩『生命面包』先至拣呢间Hall架喎。」
「屌，好捻核突呀，我宁愿比碌尻鞭都唔想玩『生命面包』罗。」酒醉三分醒嘅楼友对呢个游戏感到不安。
「其实?系咪真系会有人玩『生命面包』呢啲咁变态嘅嘢？」有人好奇一问。
「听讲早几年七楼楼O都仲有玩??不过真系唔系强制性嘅，你唔想玩唔会逼你玩。」一直无出声嘅Philip突然开口。
「其实?我想问?咩系『生命面包』啊？」无知嘅freshman bb问咗一个好危险嘅问题，踩中陷阱都唔知。
「你唔知呀？你唔知就要玩吓啦。」我用淫猥嘅声线吓吓佢。
「屌你咪捻玩佢啦。」Philip反咗个白眼，然後好认真咁转去个freshman度「简单嚟讲，『生命面包』就系四个人，围住一块方包打飞机，边个最迟射就要连精食哂成块方包。」
Freshman露出又惊恐又难以置信嘅表情，「哗，呢啲嘢唔啱我玩。」
「不过啱嘅，七楼咁多基佬，玩『生命面包』都正常。」
「基佬玩就无意义啦，都唔系惩罚嚟嘅。嗱你睇下Benjamin，佢已经准备好玩『生命面包』。」
「喺呀，所以咪话入到嚟无玩过好失望罗。」我已经喺佢哋面前毫无保留咁将心入面个句讲出嚟。
「你自己玩罗，唔使预我哋。」
佢哋好快转移咗去第二个话题，但系俾佢哋挑起条瘾嘅我成晚都罗罗挛。
一直去到唔知几点，我哋先返房瞓觉。唔知喺饮多咗两杯我有啲touchy-feely，定系因为酒後乱性嘅情感开始涌现，我有自己张床唔训，特登要训落已经训咗上床嘅Philip身上面，然後攞我块面喺佢身上面捽。
「Philip我哋今晚孖铺啦?」我特登扮娇嗲引Philip笑，反正，咁系我最後一次有机会咁做。
「你张床咪有位罗?」饮咗都好几杯嘅Philip加上眼瞓同疲倦，已经无力再推走我，唯有用手肘不断将我同佢个身隔开。
「唉呀好啦怕咗你啦。」佢只系想尽早训觉，所以唯有让开半个身位俾我训入嚟。我一脸得逞咁嘅样，训低落佢张床。佢好自然咁背对住我，调整咗一下张被就无出声。
「Philip啊??」
「唔？」
「咁就最後一晚啦??」
「做咩啊，你要同我表白呀？」
「哈，你就想?大把仔俾我拣啦??」
突然一下紊乱嘅心跳，然後又回复正常。
「Philip啊??」
「唔？」
「唔好扑咁多嘢呀，会肾亏?。」
「屌你啦，你就亏。」
空气又回复静谧，一片黑漆漆嘅环境，我唯一感受到嘅就系，佢身体嘅温度喺被入面慢慢传过嚟。佢嘅呼吸声慢慢变沉，然後我慢慢擘大眼，就望着佢嘅後颈。窗出面极度微细嘅灯光反射入房入面，令人仅仅可以睇到好少好少嘅轮廓。佢突然转身，面对佢我，五官就喺我面前十厘米，佢每一下呼吸嘅声音，呼出嚟嘅热气，我都听到，感觉到。我伸出双手，想要趁佢训着觉之後，有些微嘅身体接触，唔知系佢睡梦中嘅自然反应，定系佢下意识都觉得都要个人揽下，佢竟然张开双手将我揽返住。我就咁按喺佢嘅心口同手臂中间，我心入面知道，呢个，可能系我同佢可以去到最亲密嘅地步。我唔想做啲咩越轨行为，因为，我同Philip，本来就唔系呢啲关系。
夜夜笙歌嘅人总系训到黄朝百晏先起身。我哋原本纠缠一齐嘅四肢经过一晚嘅辗转之後松开，已经醒咗嘅佢若无其事咁喺度?紧手机。一早就已经执好一箱箱嘢嘅佢伴随住Gogo van嘅车尾灯离开，我望住驶远嘅车辆，然後上返间房，先发现条友唔知几时摆咗个信封喺我枱面。
潦草嘅笔迹就好似year1嘅佢咁一直都无改变过，我打开信封，入面喺一张我哋year1 第一次High Table Dinner嘅合照，我翻转背後，见到佢留低嘅几行字。
Benjamin
「朋友，我当你一秒朋友。朋友，我当你一世朋友。」
608室嘅过客。
四年Hall Life 搏尽无悔过。
多谢你，最佳损友。
Philip
2019.12.22
当直仔做嘅咁窝心嘅事嘅时候，你真系不得不为之动心，然後对佢又爱又恨。
却没人像你让我，眼泪背着流，严重似情侣，讲分手。
署名下面，仲有一行细字。
我将张相放喺书枱上面嘅水松木板上面，同我哋以前嘅相摆埋一齐。我闩埋挂住608号门牌嘅房门，呢排，应该得我一个喺度住。不过，佢份大礼，究竟系啲咩呢？Philip曾经上过Hall