第二十一章
上回讲到。同一个日本地度男仔喺钱汤一齐打咗两次飞机，一人射咗两次都唔系好够，不过人地地方做呢啲野唔系好啱，何况射咗两次酒气都开始过，无咁醉就唔可以再咁乱黎，大家冲埋个凉就返咗HOSTLE休息。本来以为咁攰都会好快训到，点知返到HOSTLE一开电话有成几十个就知仆街。唔睇都知又系ALVIN问我呢样果样乜乜七七，去咗边食咗咩就一定会问，加上後日CATHY同阿允就会返香港，佢一直都唔知我行程会去到边会住边，所以成日都好心急想知我到时会喺边，大家会约喺咩地方等。讲真如果要佢一个人自己唔知去边系好残忍，但过咗几日，我发觉原来我都唔算系无咗佢唔得，可能我无想像之中咁爱佢，加上佢控制慾真系太强，明明自己有老婆有个仔点解仲会想控制多个人，如果问我钟唔钟意就真系好怕人地咁捻烦，成日问长问短又想知我无时无刻做紧咩。但爱情总系会将呢啲野变成SWEET野。唉...........
【你今日去咗边呀，做咩成日都唔覆我？
【食咗野未呀？唔好唔食野喎
【如果电话无电就返到酒店报个平安啦
【好挂住你呀，後日就可以见到你啦，到时去边度搵你呀
【其实不如你同阿允一齐返香港啦
【你终於覆我，一讲就讲呢啲野，想死呀？
【我认真，我好唔想因为呢件事几个人SUFFER
【唔好咁讲野啦，一路都好地地，呢次旅行就系想同你单独玩下
【唔识讲，虽然你成日话你老婆唔陪你，但我睇得出佢好爱你，而你个仔都以你为榜样，我幻想唔到如果你屋企知道之後要点面对，大家唔会有将来而我都唔会同你一世，无必要为咗一阵 开心破坏咁多野
【我唔想喺同你倾呢啲，同一个问题讲完又拎出黎讲，你要点先明？
【你俾你後日名古屋酒店地址我，到时我去搵你
真系好蠢，次次佢叫我做咩我都会乖乖咁做，我唔知点去拒绝呢个人，或者系我唔知点去拒绝任何人，成日都会觉得如果可以做到人地又开心话我都会想尽力去做，去满足人地要求，往往就会因为咁自己HURT捻到扑街，有人学觉得咁我都仲系个学生仲系个小朋友，唔知点去处理系好正常，我觉得呢啲都只系一个借口，总系想自己有啲改变，可以为人生有啲进步
第二日起身隔离床个日本仔就已经唔喺度，不过同佢有交换IG，佢话如果有机会黎香港会搵我玩，喺HOSTLE识朋友就好似同人讲“得闲饮茶”一样都只系贪口爽，明白呢个世界游戏规则就可以活得比人地耐。一支公柒下柒下咁返到去名古屋，我知道ALVIN夜晚就会黎酒店搵我，而会再一次去到果种明明想分开又唔舍得耳仔又软碌鸠又好硬万劫不复境地，所以决定喺最後一日自由时间去一个我想去咗好耐地方──蒲郡。
哈哈，其实我都唔想喺度俾大家觉得我系小毒捻去破坏我靓仔男神形象，蒲郡呢个地方真系无咩特别，亦都无咩好玩，名古屋过去仲要又坐JR又坐巴士成个几钟先到，但佢有ONE PIECE烈阳号只船，作为一个追咗十几年海贼迷梗系要去朝圣，去同我最爱ZORO一齐出海 :0) ，其实见到架大船果一刻系感动，就好似有一样野你锺意咗好耐而你终於可以见到。所以我快快趣趣买咗飞就等佢开船。点知就见到ALVIN拎住好大件行李喺我面前出现。
ALVIN：都估到你会黎呢度架啦！
SA：点解你会喺度？你等咗我好耐？
ALVIN：你真系好易估，一黎到名古屋都仆过黎，小毒捻
SA：如果我唔系咁你就唔会喺度等啦
ALVIN：我知道呢个地方对你好重要，所以我想喺你咁重要时候陪住你
其实谂返起真系好捻白痴，点解ONE PIECE会系好重要时刻，够竟我喺佢眼中系唔系真系咁毒。不过讲真，如果一样野系咁ON9而有条友可以因为你而觉得呢件ON9事系重要话，应该要好好咁珍惜呢个人。
待续
无谂过会打到去2017都未打完，完全同我本身想像无咩人睇无人会彩我好唔同，总觉得打广东话有好多人会睇唔明，同时好多人宁愿睇GV都唔会理人打文，不过呢几个月呢度识到啲朋友仔都系开心，虽然呢篇系短啲系懒咗，希望好快有时间会打好下一篇俾大家睇。=]
2017/1/6 5:52 SPENCER敬上