第十七章
上回讲到:因为之前俾人玩过一次伤得好甘,之後都唔敢再相信任何一个人,当然有啲人会觉得明明衰嘅系个仆街,系唔应该将呢个恶果放落ALVIN度,唔应该对佢咁唔公平,但谂真啲,当初佢娶佢老婆嘅时候味又系应承咗俾人世幸福对方,对人地父母承诺对佢地个女好好,结果咪又系出去搅三搅四,只不过佢呢之偷食嘅对象系个男仔。所以如果要我喺呢刻好信ALVIN我真系做唔到,或者大家只系做炮友对我自己会无咁HURT,起码如果佢要离开我要返佢老婆身边我会无咁唔习惯。
去日本之前果几日因为要赶埋我公司啲野所以日日都做到好夜,虽然我只系一个INTERN做埋个暑假都未必会做,不过我上司都好锡我俾好多野我决定,好多时都好肯听我意见,又肯俾我跟场拍野,所以其实返工都真系好开心,所以我都尽力做埋手头上工作先去放假。可能我成日做野好少望个电话,有时收工见到ALVIN关心嘅MSG黎都真系好WARM,佢好锺意整古做怪SEND啲扮鬼脸嘅相俾我,有时知我喺附近做野都会等埋我食LUNCH,虽然佢食嘅野都系一啲我唔系好识欣赏嘅野,有时带我去食西餐开支酒食个晏都成千蚊我都唔知可以讲咩好,可能对於一个月入六位数嘅人黎讲小小钱唔算得上系咩,但对於一个仲担心紧几万学费嘅我黎讲有时真系想讲不如包起我。换个角度咁讲,可以见识到咩叫上流社会都算系一个得着。
好快就到旅行嘅日子,我一早就到咗机场谂住我等人好过人地成家人等我,坐喺POKKA CAFE食住个80蚊嘅早餐真系唔系好识欣赏,如果要同人地一家人过住奢侈嘅生活我谂我真系唔系好惯,原来我同ALVIN嘅距离除咗年龄同埋佢有老婆之外大家生活方式都好唔同,就算佢系一个无老婆嘅纯正HEHE都未必可以相处到,何况大家价值观都应该好唔同。见到佢地一家人大喼细喼咁我就更加肯定大家系唔同世界嘅人。第一次见到佢老婆其实佢都几靓,而且唔系一般去银行见到啲RM好CHUR SELL野嘅感觉,反而好似系一个好青纯好PURE嘅女仔,而且年龄好似毕咗业无几耐咁,如果我系直仔可能我都唔会介意同佢姊弟恋。
允:SA哥哥你等咗我地好耐喡?
SA:唔系呀!我自己预早咗出黎食野咋
允:一阵上到机咪有野食罗,你怕佢好难食呀?
SA:点会呢,我惯咗起身要食野嘛
一时之间见到人地一家三口我真系好尴尬,一黎我系有对唔住呢家人,系有潜质去破坏成件事,另外亦都唔知同ALVIN应该点相处,我应该同佢扮唔识定点好?不过阿允妈妈好NICE咁话可以叫佢CATHY就得,其实我同佢都唔系差好多年,如果叫ANTIE就大夸张啦,佢好WARM嘅聱令我安心咗好多,不过同时都加深咗我对佢嘅罪恶咁,一个咁好嘅女仔系值得一个更好嘅人去对佢。不过同时见到有一团火喺个男人度射过黎,自从佢知我要去名古屋之後佢就认定咗我唔想同佢去旅行,认定我会避开佢唔同佢地一齐玩。
ALVIN:你自己CHE咗嗱?
SA:点解咁讲呢?
ALVIN:你啲行李呢?
SA:你讲野态度可唔可以好啲?(呢句我讲得好细声,我觉得应该只系得佢听到。)
ALVIN:咁你自己CHE咗 MARK好咗位嗱?
SA:我无行李,得个背囊
允:咁SA哥哥你买咗野咪无地方摆罗。
SA:唯有唔好买咁多罗,再唔系放喺你度
我地一行四人就咁就出发,上到机唔知点解我同咗CATHY坐,两个人喺三个几钟头机倾咗好多野,我明白到点解佢咁忙事业仲发展紧就想结婚,成日都听人地讲,拍咗咁多年拖真系唔结就分,佢地中学就已经开始一齐,大家都系对方初恋,而佢亦都对我加拿大读书、一个人旅行嘅经历同工作地方好有兴趣。或者系大家对大家世界好唔明白,一个女仔毕业之後就入咗银行做,做咗几年就嫁咗生咗个仔,佢都好想自由自在做啲自己想做嘅事,而佢知道佢一世会喺家庭呢个乌笼入面。我唔敢问佢有无後悔,更加唔敢知如果而家佢可以再择过会唔会宁愿喺事业上面打拚好过要照顾屋企。ALVIN一路都有留意我同CATHY倾计,我知佢唔会惊我将我地嘅事讲出去,因为佢知如果我要讲都唔会要等到宜家,只系我知佢想尽量陪住我,话晒我地都已经有成个几星期无见过,但谂返朝早佢对我嘅态度,我都唔知可以点去对住佢。
待续