第七章
日子过得好快,因为我都好快就已经考试,阿允都开始放暑假所以大家都只系有联络,
有时两日都未必可以倾到计,但一倾就可以倾好耐,有时听下佢讲啲病人有趣野都几得意,
好佬真系怕泼妇骂街,有次有个女病人收左之後第二日返转头话佢护士偷佢钱,最後仲搅到叫左警察黎
呢个世界真系无奇不有,而我都只系考试太太太攰未必可以成日覆到佢,
有日佢同我讲话佢应承左阿允暑假带佢去日本玩,佢可以留多几日,问我有无兴趣一齐去,
我无即时答佢,因为知道如果同左佢去可能大家关系上有改变,亦都唔知见到人地一家三口开开心心会有几HURT。佢好似知道我考虑太多野,叫我谂多阵先,唔好答佢住。其实都唔知自己考虑紧啲咩,可能总系觉得有啲怪挂,如果去到我同阿允一间房就仲觉得怪。
除左同ALVIN之外其实都有其他奇遇嘅,好似有一次去打拳见到个明星仔,本身我都唔系好知佢系咩个,
我谂成间馆都唔系好识佢,所以无当佢系啲咩明星,之後先知道原来佢系香港某个组合嘅成员,
其实个组合都算出名,不过啲人成日转黎转去真系唔知边个打边个。有时其实果个人钟意男仔真系睇得出
见佢望你嘅眼神会真系唔舒服,咁当然如果系靓仔就无咩所谓,见到佢咸咸地咁望住我已经知咩事,
不过我真心对佢无咩兴趣,就无再俾SIGNLE佢,结果就不了了之咁过左去。
不过好笑嘅系我将呢件事讲左俾ALVIN知,佢反应都好大,觉得我俾同性恋望好怪
佢串左我几句…..
【咁你下次冲凉就着住条短裤冲啦
【你傻左?着着条裤有啲地方又点冲呢?
【我以为如果有靓仔阿SA就会狗冲过去?
【你系靓仔我都无冲去你度啦
【系罗,就系唔明罗。
【你系囡我咪冲快啲罗
【都冲左几个月,就算唔系囡囡都应该冲到啦挂
……..
【仲咩仲要避开我?
【点使避你呀林医生,忙到傻左呀,如果捱病左就真系要去见你啦
呼,真心唔知点应佢好,佢都讲到出口我是咪唔应该再扮无野同佢讲我好捻锺意佢,
好想同佢一齐生活就算只系做一个第三者就算只系一个唔知咩人都只系想见下佢
不过最後都系的唔起心肝去讲心底嘅说话……但佢呢日好似真系唔肯放过我,一定要我面对呢件事
【我认真同你讲架!点解要避开话题?点解要同我讲你差啲俾人搅?
【有啲野你系知嘅又扮唔知,你知唔知咁相处会好辛苦
面对住一个咁直接嘅质问其实系嬲嬲地嘅,明明一直都相处得几好点解要打破呢个关系呢?
我认我系一只gui,一只唔想改变嘅gui,唔通佢会为左我唔要个仔唔要个老婆咩,
如果真系咁呢个男人都应该唔要得啦,不过我边敢咁同佢讲野,对住佢我只系敢避开。
【有啲野我唔系好想讲,不如见到面先再倾?
【咁你宜家喺边?我过黎搵你?
【唔好啦,如果你今晚收八点,我黎你诊所搵你啦
【OK,我等你
我喺维园行左好耐,一直都唔想行去佢公司,一路见住好多人好多野喺身边行过,
个天一路黑,知道无得再避,就算自己唔系一个有前无後嘅人都系时候要勇一次
去到其实诊所已经闩左门,所以又要的起心肝仔先可以打俾佢叫佢开门
我知扮无野已经唔可以再呃到佢,但点都唔会主动咁去提起呢件事……
待续………